اليوم الاخير

احيانا بحاول اتخيل اليوم الأخير الي بالجامعه
مش عارفه ساعتها شو ممكن يكون شعوري
انا حاسه انه ممكن انهار،
لمجرد انه الواحد يحس انه رح يفارق ناس بحبهم وتعود عليهم بتعقد وبحس انه رح يبكي
اشي غريب
لحظة التخرج ممكن تكون احلى لحظه بالنسبه للأهل لأنهم بتخيلو انها الأحلى لإبنهم بس لو بعرفو انها مش احلى اوممكن تكون الأصعب ما كانو خرجونا او ممكن ما كانو دخلونا جامعه اصلا
مش عارفه كيف ممكن اترك حياتي الجامعيه
صحباتي ومغامراتنا وضحكنا ولعبنا وكيف ممكن اترك دكاترتي الي تعودت عليهم
الكليه والمحاضرات واللابات
والمشرفين والمشرفات حتى حيطان الكليه
يمكن ما يكون حدا مقدر مشاعري وخاصه انه ضايل عن تخرجي كتير
بس انا عنجد كتير مدايقة
لانه قرب اليوم الي رح ارجع فيه علكليه ضيفه ويستقبلوني طلابها كأني عمري ماكان الي ذكريات عكل بلاطه ودرجه فيها
كأنا ما النا دخل
ولا بنعرف حدا
والاصعب لما مع الزمن يتغير كل الي فيها او ينسوك وتبدأ تعرف عن حالك ببيتك زي الغريب
او الي بتذكرك يسألك شو مجيبك عكليتنا كأنا عمرنا ما دسنا بلاطها
ياه شو مستصعبه الموضوع وعارفه انه مع الزمن رح انسى زي ما نسيت مدرستي
بس عاز علي انسى كمان اني بنت هاد المكان ويصير كل اشي ذكريات بذكريات
عشان هيك هاي
اول مره ما اكون متحمسه للفصل الجديد
يا رب تهونها علينا يا رب[/color]

رائع هذا الموضوع والله رائع لقد عيشتيني تلك اللحظات ما اقساها من لحظات فانت تفارقي اصدقاء عزيزين عليك فيا رب هونها علينا ويبدو انك على عتبات التخرج صح الله يعينك وما اقسى لحظة مفارقتك الاصدقاء لكن مع الزمن راح تنسي انك دخلت جامعه وتعرفت على اصدقاء ولكن صدقيني ستنسين لحظه وتأتيك الذكريات لتنعشك مره اخرى فيا رب عونك عليها لكن ما بالك بالمغترب عن اهله واصدقائه وتقبلي مروري وسلمت يداك على هذا الموضوع

حلو والله هاد الحضات عشتها وبلاخص انو خلص قرب هاد اليوم واللح لحضه محزنه تترك اصحابك جامعتك دكاترتك اماكن جلوسك منطقتك والله لحظات صحبه كثير لاكن هذي الحضه مكتوبه على كل واحد فينا هاد دنيا دنيا غروره يا اخي والعز فيها مش دوام وزي ما قال المثل يا رايح كثر الملايح اشكركي على هذا الطرح سلمت يمناكي