معـذور قلبـي لـو يضمكـ بجوفه

أعظم ) وجع ( بالحب لا صرت تشتاق

لـ اللي تحب ولا أنت قـادر تشوفه !

يكويـكـ "جمـرٍ" داخـل القلب حرّاق

زود ٍعلــى نــاره تهـدّكـ طيوفه !

لا مـرّ بعيـونكـ كمـا نـوض برّاق

مـالكـ مجــال إلاّ تســاير ظروفه

ياصاحبـي لـو بينـي وبينـكـ آفاق

نفسي معـكـ في كـل حالـه شغوفه

ما كنت "قبلكـ" خلف الإحساس أنساق

وإن شفت درب الحب أسكت وأطوفه

يلين جـاني منعطـف سيل الأشواق

بأمر الغرام اللـي سطت بي سيوفه

قاومت لكـن ! خافـي الحب ماطاق

صابه صمـود ٍ زلـزل أجزاء خوفه

بغيـت أردّه بـس حسيـت بإخفاق !

في لحظـة ٍ"مـد" لـ كفوفكـ كفوفه

جا لكـ ولا كنت أحسـب الحب دفاق

لين أغرق الخـافق وسال بـ نزوفه

أثْــر المحبـة نبضهـا دوم سرّاق

دمي وهـو دمـي بجسمـي تحوفه !!

حاولت أداري حـب قلبـي بالأوراق

وأثْر الورق ماهـي أمينـة حروفه

سـلّ المشاعر من متاهات الأعماق

وأصبح يفسـرّ كل وضـع بوصوفه

يكتب تقاريـر الغـلا وقت الإشراق

وعند المسـا يعطيـكـ باقي كشوفه

يا"جامـع" ٍ حنيّـة الكـون بأخلاق

معـذور قلبـي لـو يضمكـ بجوفه