ليلة رومانسية على الطريقة الاردنية

يرجى المراعاه ان هذه مناسبه قديمه واليوم جاءت ايضا بدون مناسبه .

خلف: ولك يا قردة شكلك ناسية انو مثل هاظ اليوم قبل سنتين كان اول مرة بشوف سحنـتك وبنحب بعض, يعدمني جدوقك(خدودك) شو ناسية؟!

شفيقة: والله جد ولك تفو عليك شو بحبك , بعدك متذكر يا مقلعط؟

خلف : هووووه , هو الي بشوف هالشكل الي بقطع الرزقة بنساه؟

شفيقة: هاهاهاهاهاهاهاها يلعن ابوك شو حكياتك حلوين وهاظ الي معلقني فيك , تتذكر اول مرة تلقينا ؟

خلف: هههههههه هو انا بنسى؟ يوم ما حطتلك رجل وانتي ماشية مع امك وقلبتي على بوزك؟

شفيقة: ولك الله يقطعك شو رومانسي , كيف هيك تجرأت واتخذت هاي الخطوة الجريئة؟ جد انا بحب الشب المبادر والقلبو قوي

خلف: يالله عاد هسه بدك تكبري راسي وتظلك تمدحي فيي؟ انتي كمان بزقتي علي يومها تتذكري؟ والله ما بنسى بزقتك وهي بتتدلى على وجهي وبتنزل شوي شوي , يومها عنجد عرفت انك بتحبيني .
.
شفيقة: آه والله يا خلوفتي انا ما بزقت عليك الا لأني بحبك.

خلف: يا قلبي انتي


شفيقة: والله معك حق , خلص شو رأيك انا اليوم رح اخليها ليلة رومانسية بشكل.

خلف: شو رح تعملي؟

شفيقة: انت ما عليك بس حظّر الشمع واشعله وسكر الظواو وهسه باجي .

وما ان اشتعل الشمع الا وخرجت شفيقة من المطبخ حاملة صحن كبييييييير مجدرة, رغرغت عيون خلف وإنغمرت بالدموع فرحاً, حمد ربه ووعد شفيقة بأن يبقى مخلصاً لها
فما كان من شفيقة الا ان طلبت منه بوسه, فلما لفلها خده عضت أذانه فضحك خلف وضحكت شفيقة
وبقيو على الطاولة يأكلون المجدرة لأخر الليل, ويقال انهم الى الان بياكلو بالمجدرة.

شنو المجدرة؟ :)

اولاُُ: شكرا على الموضوع
ثانيا : الي سأل عن المجدرة هي اكلة رز مع عدس
وجيرة الله عن قولة اه تراااكوا معزومين عندي ع مجدرة
لا ناس يظل
مستنيكواااااااااا

حلوووووووووو كتير المجدره بس بدون بصل ولا عليك امر

واذا ولا بد بصل اخضر
ومقبولي دعوتك

هــــــــــــاي
نسيت اكولكم انا ذقت المجدرة وحبيتها رغم اني ماحب اكل العدس